استشارة قانونية في عملية بيع سيارة

سي حاجي ماتخاف والو الى تكاتبتي معاه فالكرتون.الكارت كريز راه تايديها الشاري.الا نسيتي كاع عندو الاسورانس تاتمشي الوكالة ديالك او وقفو.ياكما نسيتي لبيرمي ديالك في الاوراق

شكرا السي البهجة الله إ نورك , لا البيرمي عندي. غيرفي حالة الا مسجلش السيارة بسميتو او خلاها محطوطة مع العلم اننا عمرنا الكرطونة..حسب لي تنعرف الكرطونة عندها واحد الأجل محدد باش ادفعها فالسنتردي مين..الا فات الأجل كيفاش غيدير و شكرا

وا سي حاجي كاع لا يدفع شغلو هداك راه هو لي متضرر نتا راه بعتي او شديتي القرطاس.او احسن قدية ددرتي هو تكاتبتي بالكرتون.ماشي وكالة .اما من بين الوتائق لي تتعطيهم ليه الا بعتي الطوموبيل هي الكارت كريز .نتا بعتي هو تايتحمل المسؤولية او ديما دير فوتوكوبي لكارطونة ملي تليكاليزيو.هير نعس على جنب الراحة ما عليك حتى حرج .درتي الطريقة تالبيع صحيحة

الله إعطيك لخيرألسي البهجة ,زوينة عندك هديك ديال القرطاس ههه ..كيما قلتي دابا نقدر نعس على جنب الراحة ..بقات واحد القضية دابا إلا مشيت المقاطعة واش إقدرو اعطيوني الوراق لي شدوعندهم ندير ليهم فوطكوبي

راكم مسجلين فالروجيستر ديال تصحيح الامضاءات فالمقاطعة. عقل غير على التاريخ لي بعتي فيه السيارة

شكرا السي أمين

صحيح .فاكادير تايديرو واحد الفتقية تايطلبو منك تصور الكتاب قبل مايتليكاليزا او تايكاشيو هدك فوتوكوبي تايحطوها عندهم فالارشيف نتا الى تتعرف هداك لي كاليزا ليكم طلبو كوليه اودي بندير فوطوكوبي الى كان ممكن كي يطمئن قلبك.وخا راه تبايعت وتشاريتي معاه ماعندك مناش تخاف ولا توسوس

صراحة موقع أكثرمن رائع ،الله إجعلوا في ميزان حسناتكم و شكرا لكم على توضيحاتكم و إجاباتكم القيمة

الشكر موصول للجميع قائمين على الموقع.والمنخرطين .ومثل هذه المواقع صراحة تفيد مستعملي السيارات وتقاسم التجارىب بين الاخوان من شانه ان يغني النقاش البناء.شكرا

السلام عليكم أنا شريت موطور اللي باع ليا عندو الوكالة باش شاري و أنا شريت من عندو بالكرتونة المشكل هو أنني الموطور كنت حاطو من نهار شريتو وگاعما دفعت لسرفيس ديمين باش نقلب الكارط گريز بسميتي و الكارطونة فات عليها الأجل ودابا بغيت نبيع .
واش كاين شي حل مع العلم معنديش شي تواصل مع اللي باع ليا

kartona katmot 3la un mois darori t3awd m3ah