29/12/2022 : إطلاق علامة كوبرا بالمغرب والكشف عن أودي أ8 الجديدة
بدات مجموعة CAC، المستورد الحصري للعلامة التجارية Audi، بتسويق الجيل الرابع للموديل A8 لي هي أكبر سيارة سيدان عند الصانع الألماني.
من ناحية التصميم، جات Audi A8 بشبكة جديدة أوسع، وعاودات صياغة الدروع بتصميم جديد لمآخذ الهواء الجانبية.
قامت الشركة الألمانية أيضًا بتعديل شكل المصابيح الأمامية. و les phares جاو بتقنية Matrix LED وتزادت لمسة تصميمية مبدعة على الحافة السفلية لي غا تميز اكثر هاد ال Facelift.
في الخلف، المصابيح جاو من نوع OLED ويمكن للسائق يختار بين العديد من التوقيعات المرئية.
سيارة A8 الجديدة متوفرة بمحرك 3.0 لتر V6 بقوة 286 حصان. وهاد المحرك كايمكنها من تسارع 0-100 كلم/ساعة في ظرف 5.9 ثواني بسرعة قصوى محدودة في 250 كلم/ساعة.
والخبر الثاني غايمثل بشرى سارة لعشاق السيارات الرياضية الأنيقة.
العلامة التجارية Cupra دخلات للمغرب!
هاد الخبر لي اكتشفوا فريق MOETUR.MA خلال الرحلة ديالتنا لبرشلونة بدعوة شرفية من الشركة الإسبانية باش نكتاشفو عالم كوبرا الملهم وتجربة سياراتها الرياضية.
اكتشفنا أيضا أن هاد العلامة التجارية الجريئة كاتعتامد على تصاميم متطورة وأداء معاصر وكاتقدم نماذج وتجارب مبتكرة.
كوبرا ، بالشخصية ديالها القوية ، غاتعطي دفعة جديدة لسوق السيارات المغربي.
هادشي علاش Cupra Garage كاتفتتح الأبواب ديالها بالمغرب. بدات بالدار البيضاء، الرباط من بعد مراكش وطنجة ثم مدينة أكادير في المستقبل القريب. أما بالنسبة لخدمات ما بعد البيع ف غاتكون متوفرة عبر شبكة مجموعة CAC.
من ناحية المُنتَج المعروض، كوبرا غادي تستعرض في المتاجر ديالها Formentor لي هي سيارة SUV بمحرك 2.0 TDI بقوة 150 حصان مع ال boite de vitesse من نوع DSG7 وبنظام الدفع 4Drive.
هاد النظام الدقيق لي كايراقب العديد من الإعدادات بحال سرعة العجلات وزاوية التوجيه وكا يحرص باش توصل القوة للعجلة المناسبة في الوقت المناسب. وبهاد الأداء وبمساعدة أنظمة أخرى CUPRA Formentor كاتقدر توصل لتسارع 100 كم / ساعة في 8.6 ثانية فقط، بسرعة قصوى تبلغ 203 كم / ساعة.
كوبرا غاتوفر أيضا إصدار محدود يفوق التوقعات سميتو Copper متوفر بمستوى عالي من الفخامة، غني بالمعدّات وميزات متطورة!! نخليوكم تكتشفوها بالتفاصيل على موقع MOTEUR.MA
وأخيرا، الثمن التمهيدي محدّد ف 487.000 درهم وبميزة 62.000 درهم تخفيض لأول 100 زبون.
اكتشفوا جميع الأثمنة والتخفيضات على موقعنا moteur.ma
