أريد معلومة من فضلكم

سلام ، تبع هاد المراحل ! أول حــاجة تمشي تشتري مطبوع خاص لشراء السيارة من أقرب مكتبة . تعمر المطبوع .. تمشي انتا و مول السيارة لأقرب ملحقة إدارية باش تسجل عقد البيع في المطبوع ...من بعد تمشي بالطوموبيل لمصلحة الفحص التقني و دير الفحص لملف تسجيل السيارة . تمشي تخلص الخيل في مديرية الضرائب . تمشي لمصلحة تسجيل السيارات مرفوق ب : الملف الرمادي شهادة الفحص التقني النسخة الأصلية للبطاقة الرمادية للبائع الضريبة فوطوكوبي د الكارط ديال مول الطوموبيل. غاتخلص مبلغ التسجيل و تاخد البطاقة الرمادية المؤقتة . من بعد تقدر تدير التأمين لسيارتك ولا يسخر الطوموبيل ;)

شكرا أخي أنا غير عالله بديت بالفحص التقني وهنا أخبرني التقني المكلف أن أرقام الشاسي غير واضحة وعلى صاحب السيارة أن يقوم بإعادة كتابتها بإجراء خبرة لدى مصلحة التسجيل التي تسلمه ترخيصا ليعيد كتابة الأرقام وهذه العملية معروفة لدى تقني الفحص بالرمز PTC و نظرا لأن العملية قد تأخذ وقتا وأنا خفت كذلك من المشاكل خديت عربوني وتسليت فحالي هههههه

أريد ثمن المصاريف من فضلكم وأتمنى تأخذو العبرة من تجربتي وتبقاو تبداو بالفحص التقني

من جانب راحة البال من الأفضل فحص السيارة أولا ;) بالنسبة لأرقام الشاسيه يمكنك سك لوحة معدنية جديدة لدى شركة سوماكا في الدارالبيضاء ب 600 درهم

أنا أبضا شريت سيارة وقبل ما نشريها دوزتها لافيزيت و دوزوها لكن بعج مرور سنة بغيت ندوزها فلافيزيت أخرى قالو ليا نوامر مشكوك في أمرها وميرفضو..وحاليا كندوزها ديما فلافيزيت اﻷولى لي دوزت فيها أول مرة..سولت على إعادة نقش اﻷرقام فصوماما لقيت غتقام ب 4000 درهم تقريبا حيت خص نجيب الخلوق ديالها من أصلها..شنو المعمول؟

أخي حسن دير سؤالك فمنشور مستقل باش يشوفوه الإخوان يساعدوك أنا ماعنديش فكرة على هاد المشكل وشكرا

سلام سي حسن ديال اش 4000 درهم ؟