صفير عند الفرملة mazda
السلام عليكن
بغيت نستاشر معاكوم شريت سيارة مازدا ومنين تانفراني تانسمع واحد الصفير مولاها لي باعها لي قالي يلاه بدل بلاكيت لفران المهم فاش ديتها قالي الميكانيك خاصهوم يتبدلو وانا نبدلهوم ومع ذلك باقي تايتسمع الصوت مع العلم بدلت ديال القدام
مشيت سولت واحد مختص فالعجلات قالي يمكن ماحكهومش بالكاغيط الحرش هكاك علاش باقي تايصفرو واش هاد الهضرة بصح ؟ والى كانت ماشي هي هاذيك باش تنصحوني ؟ مع العلم قلب الدياسك قالي مزيان . كذلك مالقيتش فيها رويضة سوكور ماكينش اصلا فين تكون وقالي مولاها راه تادير ليها غا واحد لبرودوي الى تقبات الرويضة تايترش وشريت هذلك لبرودوي واش هادشي لي غايخصني نيت ولا شي حاجة اخرى وشكرا
وسؤال اخر شي احد لي تايعرف شي ميكانيك معلم فمراكش لهاد السيارات الجداد وشكرا
Slm awalan kan 3lik tchof rwida secour 9beel matchri rah darori tkon f tomobil ama lmochkil dial tsafr khass t9leb hta les plaquettes dial lor orah ila kant qualité dial les plaquettes na9ssa adirlik tsfar mn jiha okhra 3adi n7ko les plaquettes wayni 9dam omli kaytwskho ama jdad ach at7ok fihom
Salam
bessaha la voiture, Mazda zwina bezzaf khasha ghir tahlo w safi
pour le pneu dial secours c normal, men lehna l9dam bezzaf dial les voiture ghadi ykharjou sans pneu de secours twali tkhdam ghir bel kit anti creveson
benasba l dik tsfar li 3ndek, wach mnin katbrak 3la l frein wach ma kaynch chi vibrations fel pedal?
سلام
شكرا ليكوم على الاجابة ، بالنسبة للتصفار لا ماتنحس بوالو اخور من غير التصفار وراه واقيلا فاش بدلتهوم بحالا التصفار ولا اكثر من كيف كان فاش بدلت لبلاكيت
الى كات فيبراتور شنو ممكن يكون المشكل حينا بصراحة ماحاش بوالو من غير ااتصفار وواقيلا تايكون التصفار منين تانتحرح شوية اما منين يلاه تاندير ليها امارش وتانزيد ونفراني ماتانسمع والو
باش تنصحني خويا فهاد القضبة واش نتسنا نيت تانشوف الصوت واش غايمشي مع المدة ولا شنو ؟ وبالنسبة للرويدة سوحور شنو المعمول واش داك الرشاش قاضي غرض ولا خاص شي حاجة اخرى وشكرا ليكوم بالزاف
منين تانفراني ماكنحس بوالو فلبيدال تلفران من غير التصفار وتايكون مجهد منين تانقرب نوقف مثلا كنت مكسيري وفرانيت بقوة ماكايتسمعش ولكن فاش تانقرب نوقف تاتسمع اكثر
وبالنسبة للرويضة واش داك الكيت
anti creveson
غابوحدو قاضي الغرض ؟
Salam khouya yahia
benasba l pneu secour kif 9olt lik rah 3adi, kayn le kit anti creveson rah mzian, w kayn aussi wahd la mousse t9dar dirha kat3awnk 3la ma dkhol l chi station tsayab l creveson
ama ila l pneu tfarga3 kaywali khass depanage w safi, w hadchi rah ghadi ywali f les voiture kamlin
benasba l frein ghaliban mnin katbadal les plaquettes kaykoun le siflement w kolma brakti w 9arabti tw9af kolma tzad (ya3ni 3ala9a kbira bik plaquette et les disque)
les disque kaykounou t2aklo chwia men chi jiha dik chi lach katl9a bezzaf d nass kaydawzohom f tour bach y9adhom walakin khaso ydir l3bar m9ad w ma yn9osch bezzaf men ba3d kaymchi dik le sifflement
يعني خويا دابا باش تنصحني نصبر شوي عالله يقدر يمشي مع المدة حينت لي باعها لي قالي بدلهوم ولتحظت بحالا فاش بدلتهوم الصوت اكثر ؟ ولا نمشي لعند هادو لي قلتي باش تنصحني وشكرا بالزاف
واحد الملاحظة فاش بدلتهوم شرا اربعة يعني غا ديال القدام اما ديال اللور قالي راه مزيانين وقليل فاش تايتبدلو لي تايتبدلو بالزاف هو تلقدام
Salam
darori le mecanicien d abord y9alab les disques mzian w ychouf wach sal7in ydouzo f tour aw tkalo bezzaf
bnasba les plaquette dial l9dam c vrai kaytkalo 9bal men li lor, mais darori t9alab kolchi, rah salama dialk hadi
Salam
hade tsfare rahe 3adi kayne f voiture ghalyin o rkhasse
surtout ila kano jdade plaquettes 7ite tatkon wa7de mada kat7mihom drabe wa7de 500km wimchi dake sote si non mamchache o ghadi okaytzade rahe disque li mate wakha kaybane 3amre wla mlasse bzafff kaychadche mzyane
ama bnssba roue de secours bzafff tomobilate mab9awche kaydirohom 3la 9bale lwazne sayara bache in9asse lwazne o emission co2 ol espace fl coffer ikbare
kayne les pneus runflat wakha itfacho t9dare tchad bihom 80km/h l massafa dyal mabin 70km et 100km
b7al likaynin fl Bmw et Mercedes
bli tbghi tbdale pneus momkine dirhom l tomobila dyalk
شكرا ليكوم بالزاف
انا غانصبر شي مدة ونشوف عالله يمشي مامشاش نديهوم لميكانيك يقلب الدياسك وفي حالة لقا الدياسك ميتين واش الحل هو مول التور ولا تايتبدلو ولا شنو ؟ وشكرا ليكوم بالزاف
وسؤال اخر خويا حسام باش نعرف راه الروايض لي فيها هوما هادو لي هضرتي عليهوم حينت لي باع لي قالي هادي ال تقبلت تادير ليها داك البرودوي وصافي وواش داك البرودوي الى درتو ضروري نفخها ديك الساع ولاشنو
Salam
les disk ila matou kaytbadlo w safi tour ma kayb9ach sal7 lihom
benasba les pneu runflat rah katkon mktouba fihom
w hadak le produit rah une mousse kat3mar blasst l crevé ila mcha menha bezzaf dial nafs khass tnafkho surplace bach mathlakch janta dialk
شكرا خويا بالزاف صافي انا غا نتسنا خمسمية كيلومتر ونشوف عالله يمشي هاد المشكل
شكرا ليك خويا بالزاف انت والاخ حسام
Vérifier même les plaquettes arrières, j ai vécu la même histoire
سلام الخوت
عندي مستجد اولا لاحظت بلي صوت الفران داك الصفار ماكيتسمعش منين تاتون باردة يلاه تانحركها
ثانيا ماتايكونش منين تانفراني السيك
تانيتسمع التصفار فقط منين تانفراني بشوي فاش تنبغي نوقف
ضربت بيها قربت خمسمية كيلومتر ولكن الصوت باقي تايتسمع
ديتها لميكانيك قلت ليه قلب ديال اللور قالي مزيانين واصلا التصفار تايتسمع لقدام
قلب الدياسك لقاهوم مزيانين قالي راه لبلاكيط قليل فاش تايجيو هوما هادوك صيفط لواحد السيد ديال لبياس واعطيتو رفم الشاسي قالي كاينين ماركة trw
وفاش اتصل بيه قاليه راه يقدر يديرو ليه التصفار حينت يكونو ماشي ديالهوم
دابا ماعرفتش شنو ندير قالي نقدرو نديرو حل نجيبها ليه ويدي الديسك عند مول التور ويفينيه على قياس داك لبلاكيط ومايبقاش المشكل
وقالي نقدرو نديرو هادو ويقدرو يخدمو يقدرو لا
باش تنصحوني ا الاخوان الله يجازيكوم بيخير
وواش كاين شي موقع لي نشري منو لبياس لي يليق للسيارة حينت دخلت لداك dorigine
مالقيتهومش دايرين لبلاكيط ديالها
مابغيت ندير تا شي عملية تانستاشر وشكرا ليكوم
Salam
non khouya ma tdich diask l tour, normalement kayn 3bar mdbot ila bghiti diha l tour walakin ma kay3arfohch ya3ni ghir ghadi ysurfacih w safi
l mouchkil ghaliban kaykon men les plaquettes ila ma kanouch dorigine dial la maison kaydiro had sawt
ila kan 3ndek le freinage m9ad ma fihch mouchkil w tomobil ma katr3adch ghir khalih hta yt9ado les plaquette w safi w ghadi yamchi ytsfar
سلام خويا
لاكولشب مزيان تايفرانيو عادي وكولشي هو هذاك من غير التصفار يعني مع اامدة غايمشي التصفار بلا مانبرزط راسي معاهوم ؟
Bla ma t7ama9 rassek a khouya, rah les plaquettes li f so9 makaykonich m9adin a 100% w galib les mecano kaygolik dir tour walakin la distance de freinage rah katbadal hit machi ga3 s7ab tour 3arfine l3bar li kay3te l constructeur
وي هويا تانا مازعمتش على هاد العملية هكاك علاش قلت نستاشر يعني خويا غا نخلي هادشي هكا ومع المدة ايمشي الصوت ياك ؟
Oui ghir khalihom hakka daba yt9ado m3a l frottement dial l freinage
Khoya tomobil kayfranilk mzn diask mzyanin matbdel walo htaaa imoto had les plaquettes ojreb dik la marque trw li galik d'origine had tsfar rah 3aaaadi
Salam
kayne les voitures li maky7ayadche mnhom tssfare ga3e 3la 7ssab no3e dyal ma3dane li dayrin 7ite 9alabte f hadchi mzyane
ila bghiti tssfare imchi khasske ila mato les plaquettes badale marque o khra 7ta t7e f hadike l maghadiche tsafare
ama tsfare haja 3adiya o matbarztakche otkhassre 3like tomobile
so2ale achmn Mazda hadi 3 ola 6?
ch7al consommation fiha swa diesel ola essence ?
سلام خويا حسام
وي هاني مخليها تايموتو ونشوف وحدين غخرسن وعالله نطيح فلي يتوافقو معاها
بالنسبة للسيارة هي
mazda 3 modele 2014 hatchback essence
هاني نحط صورتها
والكونصوماسيون اخوسا واخا ايصانص ناقصة كاتاكل ليك فالمدينة 6.3
تال 6.5 ماكسيموم
فالطريق باقي ماضربتش بيها الطريق ولكن فاش سولت داك السيد وبناء عل داكشي لي تانشوف منين تانضرب شي طوالة تاتاكل ديك خمسة فالمية
واييه اخويا حسام راها الطوپ وفيها ديزوپسيون مزيانين
انا راه منين خديتها وفوسط المدنية ماكسيموم 6.5 اما لحد الان طالع عندي 6.2
تانسوق بشوية راها مزيانة حسيت بالفرق بين ااكونصوماسيون ديالها ولي كانت عندي واخا هادي اكثر منها فالقوة الجبائية
شكرا ليك بالزاف خويا حسام على المساعدة
Réponses