المتخصص في إعلانات السيارات المستعملة والجديدة في المغرب

Eid Al adha

أفضل العروض التخفيضية الحالية‎‎

أفضل العروض التخفيضية الحالية‎‎

مرحبا بكم من جديد ف برنامج Zoom Auto ، هاد الحلقة غاندويو على جديد Abarth وفي آخر الفيديو غاندويو على الأرقام القياسية الخيالية لي حطمتها Pininfarina 

 

مـــاتنساوش تتابعونا باش يوصلكم أحدث الأخبار، العروض والتخفيضات

 

المصنع الإيطالي Abarth والمتخصص في تعديل السيارات بدا صفحة جديدة في تاريخو بإنتاج أول سيارة كهربائية Abarth 500e.  باعتمادها على الجيل الجديد ديال فيات 500 الكهربائية، سيارة Abarth 500e كااتستافد من قوة متواضعة كاتوصل ل 155 حصان مع بطارية 42 كيلو واط.

استقلالية البطارية باقي مامعروفش بالضبط ولكن غاتكون أقل من استقلالية فيات 500 الكهربائية، لي كاتقدر ب 320 كلم. من جهة أخرى تايخصها 5 دقائق باش ترجّع  40 كلم من استقلالية التشغيل ديالها.

 

 واش تستاهل هاد السيارة الكهربائية الشعار ديال Abarth؟  باعتبار الأداء ديالها المتواضع بحيث  كاتدير تسارع من 0 ل 100 كلم / ساعة ف 7 ثواني في حين Abarth 695 كاتنجز التمرين غير في أقل من 6.7 ثواني؟

 

 غاتبدا السيارة بإصدار محدود من 1949 نسخة باسم Scorpionissima 

وبالنسبة للأسعار، السيارة غا تكون متاحة على الأقل ب 43 ألف يورو .

 

سؤال اليوم. اشنو بان لك في هاد السيارة ؟ واش تستحق الانتماء لعلامة Abarth ؟

كانتسناو الإجابات ديالكم في التعليق.

 

دبا ندوزو للسيارة الخارقة لي حققت أرقام قياسية خيالية غير مسبوقة.

العلامة الإيطالية Pininfarina  اختارت "Dubaï Autodrome"  لي كاتعتبر بين أقوى حلبات السباقات في العالم، باش تختابر السيارة ديالها الخارقة Pininfarina la Battista. وكانت المهمة ديالها هي تحطيم جميع الأرقام. وداكشي لي وقع ، حيث السيارة النفاثة بقدرة 1926 حصان ولي هو رقم ضخم،  قدرات تحقق تسارع (0-100 كلم / ساعة) في 1،86 ثانية فقـــط. رقم قياسي عــــــــالمي في الفئة ديالها. بهاد الرقم اصبحت أفضل من  Rimac Nevera بتسارع 1،97 ثانية و أفضل أيضا  من Formule 1 لي حققاتو في مدة 2،5 ثوان .

 

أما التسارع من 0 ل 200 كلم/ساعة فتقدر La Battista  تنجزو غير ف 4،75 ثانية ، وهو أيضا رقم قياسي عالمي في الصنف ديالها

 

من بعد الإنطلاق السريع كايجي التوقف لي تايكون في مدة معينة!

 

هدا هو الرقم القياسي الثالث لي كاتنفرد به Battista لي هو مدة التوقف لي ماكاتفوتش 31 متر.

3 أرقام قياسية في يوم واحد، إنجاز رائع للعلامة الإيطالية. 

 

 
 
 

ماتنساوش تديرو أبوني وتخليو تعليق وخليكم على القرس باش تعرف جديد السيارات

 

سالينا هاد الحلقة نشوفوكم في المرة الجاية.

جميع حلقات ZOOM AUTO‎