Premier voiture.

salam khoya db 3la 7ssab l'utilisation dialk kif dayer wach bghiti tomobil wass3a , wla rir une petite famille lmohim n9tare7 3lik hado mechkorin o mjarbin . kango tkon d65 machi dci taman dialha mabin 85k tal 100k r19 storia 50000dh tal 65000dh
hado b 2 les pannes makayninich + l piece mojod o rkhiss 7 chevaux = 700 dh dariba . kayna tani passat b5 tdi tomobila zwina o les pannes makayninich + motor 7aar o les options abs+eps+clima auto+.... 8 chevaux = dariba 1500 dh hado atssoug 7ta t3ya o mli tbghi tbi3ha maratdi3ch bzf machi f7al dacia ola ww

chokran akhi fouad. sara7a 7na une petite famille b 3 bina o bnia sghira o dima kanakhdo m3ana el karrossa dialha. ach banlik f les polo awla 7ta chi golf ?? ma krahtx tkon tomobil moyenne, kangoo yemken kbira bzf daba o passat bonne noption mais dariba xwia tal3a.

sma7 liya ms fouad mais bhad budget ma3ando ma dir bshi kangoo ou r19

ach banlikom f les polo; golf; seat ibiza ? ne9dar nel9a xi 7aja n9iya o meziana b had budget (8m a 10m) ?

salam
mon avis chof hyundai elantra +2009 trés fiable 6cv toyota corolla millinium 6cv trés fiable et economique renault fluence 6cv economique puissance 6cv pieces rkhisse polo défaut dyalha sghira oday9a bzafff ama golf rahe 8cv

ok khoya houssam merci. 7ta seat ibiza walo ?

salam si anouar wa khoya f 7alet bghiti 7 lkhil olora9 sghar men l afdel lik renault fluence kima 9al si houssam . seat rir matakhdehach katb9a volswagen 7ssen mnha wakha raha 8 lkhayl rah makayn ta fare9 mabin 700 dh o 1500 f dariba chof lmli7

chokran akhi fouad. ida bantli chi golf, chmen model nakhod ?

salam
ila baghi golf chof golf 5 1.9tdi +2005 ola golf 5 2.0tdi +2007

slm khoya glf 5 mazyana wlakin lmochkil dyl les injcteur daghya kaymchiw liha

chokran bzf al ikhwan. l9it hyundai accent diesel model 01/2013 mazala n9iya o darba 110000km b 90000 dh. ach banlikom ? nez3em ?

salam wach bhgiti essence oula diesel ou ch7al dlkhil wach tht 8ola foqha??

110000 km bzaf bnsba l tomobil 2013 khasha tkou ghir 70 oula 75000 /80000 maximom

ana linass7ek ba3ed men peugeot w citroen mjarabhom f c4 w 307 diesel lahykhlihom ana ma3andich khibra kbira f les moteurs dyal les voitures mais jarabet megane 3 model 2009 akhay chi haja linass7ek biha w 90000dh tamanha w sawal 3liha mzyan

had hyundai accent dial wa7ed siyed sadi9i. b nesba n 110000km pour une voiture dial 2013 7it kaydir biha navette bzf n casa-marrakech et casa-tétouan. hia diesel et 6chv.

ila khalaha like b b 8.7m rire z3ame surtout ila n9iya o kolchi kaydiro fl wa9te