مقارنة السيارات الجديدة
0
Salam 3alikom al ikhwan, bret nssawalkom allah ijazikom bikhayr, l9et wahad renault clio essence 1.4 8ch model 2005 n9iya o 3amra ghui jonte aluminium li mafihach mais n9iya o darba 91000 km moulaha talab fiha 50000 lmohim chafto o chaft tomobil saraha n9iya o 3ajbatni o tafa9na 3la mablagh 44000dh o ghada inchalah nkamlo ijraat.wach had taman bach khdit mazyn ? Yakma zrabt? O wach clio essence 2005 1.4 wach e9tissadia?? Allah yarham lwalidin wa chokran misaba9an
السلام خويا يوسف الا كانت السيارة نقية وفيها الكليما توكل على الله راها مزيانة والثمن معمرو كيكون مقاد وكلشي بسخرة الله .وبالنسبة للاستهلاك راها مزيانة حافظ غير على البوجيات يكونو حاجة مزيانة والله يسخر خويا.
شكرا بزاف خويا كريم على الاجابة ديالك و الله اجازيك كل خير على المجهودات ديالك و ديال باقي الاخوان . الله اسخر و ايسر ليك و لينا الأمور
آمين خويا ومتنساش ديما جوج ركيعات استخارة لله عز وجل .والزوينة ديالك والخايبة ديالك .واللع يبعد علينا وعلى الجميع عين الشر
السلام عليكم خويا كريم خويا كيف ما قلتو لبارح بخصوص clio راه مشيت صباح باش نتمم الإجراءات ديال الشراء و طبعا درنا لافيزت ،المهم ذاك التقني لي مكلف بالفحص ديال السيارة شاف بأن الرقم ديال السيري المعروف ب (البيسرينة( فيه شي أرقام مابينينش مزيان و الصراحة أنا بحكم التقة و النية لي درت في مول الطوموبيل من خلال كلامو و تعاملو صراحة قلت في نفسي ما يمكنش اكون المشكل في الطوموبيل و يكذب علي !!خصوصا ف هاد المسائل ديال الأرقام ، و لي زاد دخل فيا الشك هو ملي خلاني واقف و مشى عند التقني و بقا يدويو و باش تدوز طوموبيل في لافيزيت ! صراحة أنا ماشي من العاجزين سولت على راسي و استشرت مع بعض الأصدقاء و قالو لي ان القضية فيها المشاكل من بعد حيت هاد البيسرينة باش تعاود فيها طلوع و نزول و المصاريف الاضافية علما أن البائع عارف هاد المشكل و ماساوبوش و حيت انو استغل التقة لي درت فيه و اختار مركز الفحص لي تابع لأحد الأصدقاء ديالو ! باش تدوز في الفحص و يبقى عندي المشكل ولكن الحمد لله ما خاب من استخار الله و ما ندم من استشار واخا انا لي خلصت هاد لافيزيت لي دوزوها مثل هاد المراكز الغير شفافة ولكن قلت الحمد لله على كل حال و قلت للسيد سمحلي ماغاديش نشري الطوموبيل و فيها هاد المشاكيل و بقى كايلح علي أن الأمر بسيط و .و...ولكن هرب لي خاطري منها و الله اجيب ما احسن. فقط هاذا درس تعلمتو حيت هادي اول مرة نبغي نشري سيارة و بغيت نشارك الاخوان هاد الموقف الذي في بساطته عند البعض فهو مشكل خطير في ثناياه و مول النية عمرو مايخيبو الله
Salam alaykom Khouya mzyan hit makhditihach Awaln had lmara dima khtar centre de visite li nta tay9 fih W lmochkil dyal serie wperisina mam3ahch la3b Momkin tghamad 3inik 3la chy haja fla mecanique mais dikchy dlperisina wserie Bnisba l clio 1,4 rah machy 9tisadya kima galo likhwan. Par contre hya tres fiable wmoteur dyalha sbar bzaf Mais bnisba lakan 3ndak kilometrage 9lil machy mochkil Sinn khass tchof clio 1,2 hya li econonique bzaf wmakatakol walo Wman ghir clio momkin tchof punto wla yaris wla fiesta tahado mzyanin bnisba lik
Chokran ssi yassine 3la nassaih dyalak li ghadi na3mal biha akid o chokran lik 3la lma3lomat li 3titini. Achokr kadalik l ssi karim w ljami3 al ikhwan li kay dirou 3amal jabar bach inashona o izawdona ma3lomat hna f haja liha. Jazakom allah khayr
أخر إصدارات السيارات الجديدة بالمغرب
مشاركة
