مرحبا بكم من جديد في برنامج ZoomAuto ، هاد االحلقة غاندويو على الإجراء الجديد لنقل ملكية السيارات ومن بعد غانكتاشفو الجديد عند Chevrolet الأمريكية.

بلاشك غاتكونو سمعتو على الإجراء جديد الخاص بنقل الملكية بالنسبة للسيارات والمركبات المرقمة داخل المغرب ولي اعلنت عليه الوكالة الوطنية للسلامة الطرقية “نارسا” من خلال إطلاق منصة خاصة.

في الحقيقة هاد الخدمة الجديدة جات باش تسهل إجراءات عملية بيع وشراء السيارات المسجلة، وبطبيعة الحال مع الحرص على ضمان حقوق البائع والشاري.

غايكون على أي شخص بغى يبيع أو يشري سيارة أو حافلة أو دراجة نارية مسجلة في المغرب يباشر العملية من خلال الموقع الإلكتروني المخصص لهذا الغرض. لي هو “www.mutationvehicule.ma“.

البائع كايخصو يتقدم بطلب الحصول على التصريح بالبيع عبر المنصة الإلكترونية لي ذكرناها قبل وهادشي عن طريق إدخال جميع البيانات المطلوبة منُّو، باش كايتعطاه واحد الرقم السري لي كا يسلمو للشاري، لي بدورو كايستعمل هاد الرقم السري باش يستكمل ملف طلب الشراء. فنهاية هاد العملية كيحصل على عقد البيع لي كايتم الإمضاء عليه في المقاطعة.

من بعد كاتجي عملية التصريح بالبيع، التي كاتتم من خلال إدلاء البائع بتاريخ تصحيح الإمضاء وعقد البيع وتقديم المشتري لعقد البيع، إضافة إلى الوثائق المطلوبة، في إحدى وكالات “البريد بنك” أو “بريد كاش” المعتمدة من لدن وكالة “نارسا”، باش فاللخر كايحصل المشتري على وصْل البطاقة الرمادية لقيادة العربة المشتراة.

دبا نمشيو لخبر جديد في عالم السيارات الرياضية وبالضبط مع شيفروليه الأميريكية لي دارت ثورة بتقديمها لسيارة كورفيت E-Ray لي هي أول نسخة هجينة في تاريخ سيارة العضلات Corvette خلال مسيرة ديال 70 سنة. والعجيب هو أنها باقي كاتحتافظ بالمحرك الأسطوري V8 صاحب قوة ال 500 حصان ولي ببساطة تم تدعيمه بمحرك كهربائي بقوة 163 حصان مثبت على المحور الأمامي لي كايخلي كورفيت E-ray تكون أول نسخة بنظام الدفع الرباعي.

القوة الإجمالية كاتولي 663 حصان، وهي أقل ب 15 حصان فقط عن النفاثة Z06

كورفيت باقي كاتوزن 180 كغ أكثر من ستينغراي الكلاسيكية و200 كغ أكثر من ماكلارين أرتورا و فيراري 296 GTB.

في حين أن هاد السيارات هجينة قابلة للشحن فكتقدر تخدم بالكهرباء خلال مايقارب 30 كلم مقابل بضع كيلومترات فقط للكورفيت لي كا تعمل بنظام الهايبرد العادي. والإمتياز الوحيد لي كاتستافد منو السيارة الأميريكية هو السعر لي كايتراوح بين 104.000 دوالار للكوبيه و111.000 دولار لسيارة الكابريوليه مقابل 250.000 دولار على الأقل للمنافسات ديالها.

ماتنساوش، غاتلقاو جميع العروض وأثمنة السيارات على موقعنا MOTEUR.MA

سالينا هاد الحلقة نشوفوكم في المرة الجاية.