بورش تحتفل بمرور 75 عام على تأسيسها و أودي تكشف عن نموذج غايبهر عشاق المغامرات.

التفاصيل فهاد الحلقة الجديدة من برنامجكم ZOOMAUTO

فيونيو 1948، شركة ألمانية صغيرة كاتحمل اسم بورش غادي تحصل على عقد الموافقة لإنتاج أول سيارة باسم 356.

ومن بعد 75 عام، الشركة المصنعة لي بدت صغيرة اصبحت امبراطورية حقيقية، و بمناسبة هاد الذكرى ال 75 على تأسيسها قررت تحتافل بطريقة مميزة وتخلي هاد الذكرى راسخة ، وهادشي لي طرا من خلال الكشف عن سيارة Porsche Vision 357 الاختبارية.

الجانب الجمالي ديال هاد النموذج الجديد مستوحى من الموديل 356. كيفما كا تلاحظو الجزء الخلفي خاصة الشبك كانلقاو بحالو في الموديل الأسطوري 356 وهاد المزيج عطانا نتيجة رائعة. أما المحرك جا بمستوى أكثر روعة بفضل الإعتماد على محرك 6 السيلاندرات ديال Cayman GT4RS صاحب ال 500 Ch .

تكريم جميل من بورش قدرات تجمع به بين الماضي، الحاضر والمستقبل فهاد السيارة الإختبارية لي غاتكون عندها بلاصتها في أسطول بورش كأخت صغيرة لبورش 911.

أودي كاتبهرنا ب كونصيبت جديد Activeshpere لي كايتميز بخاصية فريدة من نوعها.

هاد ال Prototype من فئة سيارات الكوبيه الكبيرة والكهربائي 100% كايقدر يتحول لمركبة البيك أب في بضع ثواني. كيفاش ؟

بكل بساطة، الجهة الخلفية كاتقسم على 2، الباب الخلفي كايميل ب 180 درجة وكايتموضع على السقف البانورامي وجزء آخر كايتمدد للوراء . وبالتالي، الجزء الخلفي كامل كايتحول لمساحة مفتوحة على شكل cabine قابلة للإستعمال. وبمجرد التعديل، Activeshpere كايولي عملي أكثر بحيث يقدر ينقل 2 دراجات.

وماشي غير هادشي لي كايتميز به النموذج الرائع، فهو مريح على جميع أنواع التضاريس بفضل ميزة تعديل الإرتفاع على الأرض حسب نوعية الطريق.

وهاد الموديل هو الرابع في السلسلة الإنتاجية لي كاتشمل skysphere ، grandsphere و urbanspher

ماتنساوش، غاتلقاو جميع العروض وأثمنة السيارات على موقعنا moteur.ma

سالينا هاد الحلقة نشوفوكم في الحلقة الجاية.